वडगाव मावळ न्यायालयात होमिओपॅथीक प्रतिबंधक औषधांचे वाटप

मावळ (लोकमराठी) : वडगाव मावळ येथील चंद्रभागा हॉमिओपॅथिक क्लिनिक, काटे असोसिएट्स, ऍडव्होकेट यांच्या वतीने वडगाव न्यायालयातील न्यायाधीश व न्यायालयीन कर्मचारी यांना हॉमिओपॅथीक प्रतिबंधात्मक औषधांचे वाटप करण्यात आले.

सद्यस्थितीत सुरू असलेल्या संसर्गजन्य कोरोना साथीच्या पार्श्वभूमीवर वडगाव न्यायालयातील न्यायाधीश व न्यायालयीन कर्मचारी आपले कर्तव्य निस्वार्थीपणे पार पाडत आहेत. त्यांच्या कर्तव्याप्रती निष्ठा ठेवून त्यांच्या कार्यात खारीचा वाटा म्हणून व आपले बांधव निरोगी राहून त्यांची सेवा अखंड सुरू रहावी तसेच त्यांचे कुटुंब देखील निरोगी रहावे यासाठी चंद्रभागा होमिओपॅथीक क्लिनिक, काटे असोसिएट व ऍडव्होकेट्स यांच्या वतीने ७२ न्यायालयीन कर्मचारी व दोनशे पोलिस कर्मचारी यांना प्रतिबंधात्मक औषधांचे वाटप करण्यात आले. डॉ. अक्षय तुकाराम काटे, ऍड. धनंजय काटे व ऍड. चेतन कदम उपस्थित होते.