पिंपरी : सक्षम फाउंडेशन व असोसिएशन ऑफ ट्रान्सपोर्टस पिंपरी चिंचवड यांच्यावतीने निगडी- ट्रान्सपोर्टनगरी येथे आयोजित करण्यात आलेल्या आरोग्य तपासणी (health checkup) शिबिराला उत्स्फूर्त प्रतिसाद मिळाला. यात स्थलातरीत कामगारांना एड्सबद्दल माहिती देऊन, जनजागृती (AIDS Awareness Camp) करण्यात आली.
या शिबिराचा ७५ जणांनी लाभ घेतला. यामध्ये सक्षम फाउंडेशनमार्फत (Saksham Foundation) या परजिल्ह्यातील कामगारांची एचआयव्ही तपासणी करून औषध पुरवठा करण्यात आला. यावेळी कामगारांना फाउंडेशनच्या प्रकल्प व्यवस्थापक स्नेहल माहुलकर यांनी एड्सबद्दल माहिती देऊन जनजागृती केली.
त्यावेळी स्नेहल माहुलकर म्हणाल्या की, ‘‘एचआयव्ही चाचणी व उपचार यांच्यातील दरी दूर करण्यासाठी असोसिएशन ऑफ ट्रान्सपोर्टसच्या मदतीने स्थलारीत कामगार व मालक यांच्या युनियन यांना सोबत घेऊन एक मोहीम राबवित आहोत.’’
शिबिरामध्ये तालेरा रुग्णालयाचे आयसीटीसी प्रयोगशाळा तंत्रज्ञ अनिता बुरूडे, प्रकल्प समुपदेशक वृषाली महाकाळ, आरोग्य सेवक पूजा माने, सुनील मोकल यांनी रुग्णांची तपासणी केली. शिबिरासाठी फाउंडेशनचे संचालक अमर कदम यांचे विशेष मार्गदर्शन व सहकार्य लाभले.
यावेळी असोसिएशन ऑफ ट्रान्सपोर्टसचे अध्यक्ष प्रमोद भावसार, उपाध्यक्ष सुमीत धुमाळ, सचिव अनुज जैन, सदस्य सतनाम सिंह पन्नू, मंजीतसिंह संधू, सुरेशकुमर नेहरा, रमेश चौधरी उपस्थित होते.
- ‘सायकलकरी वारकऱ्यांच्या’ पुणे-पंढरपूर-पुणे वारीमुळे पर्यावरण बचतीचा संदेश – संजयशेठ भिसे
- या कारणासाठी केला मित्राचा गोळ्या झाडून खून
- सिनेर्जी हॉस्पिटलमध्ये ह्रदयाची अवघड बेंटाल सर्जरी यशस्वीरित्या संपन्न
- पोलीस सारथीच्या काळेवाडी रहाटणी विभाग युवकाध्यक्षदी छगन जायभाये यांची नियुक्ती
- आजचा दिवस दसरा दिवाळीसारखा आनंदाचा – खासदार डॉ. अमोल कोल्हे