सेवेला जात-धर्म, पक्ष-पंथ नसतो – डॉ. श्रीपाल सबनीस

रवींद्र जगधने : लोकमराठी न्यूज नेटवर्क

पुणे: “सेवेला जात-धर्म, पक्ष-पंथ नसतो, सेवा हे समर्पण असून डाव्या किंवा उजव्या विचारसरणीच्या शिक्क्याने सेवाभाव बाधीत करणे अयोग्य असते” असे उद्गार अखिल भारतीय मराठी साहित्य संमेलनाचे माजी अध्यक्ष डॉ. श्रीपाल सबनीस यांनी व्यक्त केले. 

ज्येष्ठ सामाजिक कार्यकर्ते पद्मश्री गिरीश प्रभुणे व ज्येष्ठ साहित्यिक व सामाजिक कार्यकर्ते पद्मश्री नामदेव कांबळे यांना भारत सरकारने राष्ट्रपतींच्या हस्ते ‘पद्मश्री’ या सर्वोच्च पुरस्काराने गौरवण्यात आले. त्यानिमित्त सावित्रीबाई फुले पुणे विद्यापीठाच्या लोकशाहीर अण्णा भाऊ साठे अध्यासन व मातंग साहित्य परिषदेच्या वतीने कृतज्ञता सोहळ्याचे आयोजन करण्यात आले होते. त्यावेळी डॉ. सबनीस बोलत होते. 

त्यांच्याबद्दल कृतज्ञता व्यक्त करत कुलगुरू डॉ. नितीन करमळकर, डॉ. श्रीपाल यांच्या हस्ते मानपत्र देवून गौरवण्यात आले. त्याचबरोबर महाराष्ट्र, गुजरात, कर्नाटक या राज्यातील ३३ साहित्यिकांच्या साहित्यकृतीला ‘साहित्यरत्न लोकशाहीर अण्णा भाऊ साठे वांड:मय पुरस्काराने’ मान्यवरांच्या हस्ते गौरवण्यात आले. 

त्याप्रसंगी डॉ. सबनीस पुढे म्हणाले की, “आता प्रतिभावंत लेखक, कलावंतांनी सत्यनिष्ठ आणि विवेकनिष्ठ समाजाची उभारणी करावी. ‘उजवे-डावे’ ही भानगड बरी नव्हे, माणूसपण महत्वाचे आहे” 

दोन्ही पुरस्काराचे वितरण प्रसंगी व्यासपीठावर प्रोग्रेसिव्ह एज्युकेशन सोसायटीचे कार्याध्यक्ष व ज्येष्ठ शिक्षणतज्ञ डॉ. गजानन एकबोटे, डॉ. श्रीपाल सबनीस, पद्मश्री गिरीश प्रभुणे, पद्मश्री नामदेव कांबळे, सिनेटर सदस्य राजेश पांडे, डॉ. देविदास वायदंडे, विवेक बुचडे, स्वागताध्यक्ष डॉ. अंबादास सगट, लोकशाहीर अण्णा भाऊ साठे अध्यासनाचे प्रमुख डॉ. सुनील भंडगे, मातंग साहित्य परिषदेचे संस्थापक-अध्यक्ष डॉ. धनंजय भिसे उपस्थित होते. कार्यक्रमाच्या अध्यक्षस्थानी कुलगुरू डॉ. नितीन करमळकर होते. 

त्यावेळी डॉ. एकबोटे यांचेही भाषण झाले, ते म्हणाले, “पद्मश्री गिरीश प्रभुणे व पद्मश्री नामदेव कांबळे हे आजच्या काळातील सामाजिक संत आहेत, त्यांच्या सामाजिक, साहित्य आणि समाजाची बांधणी करण्याच्या कार्याची राष्ट्रीय स्तरावर दखल घेतली आहे, हे खरंच अभिमानास्पद आहे”

सावित्रीबाई फुले पुणे विद्यापीठाच्या संत ज्ञानेश्वर सभागृहामध्ये संपन्न झालेल्या या कार्यक्रमात साहित्यरत्न लोकशाहीर अण्णा भाऊ साठे राज्यस्तरीय वाड़मय पुरस्कारार्थींमध्ये मुंबई विद्यापीठाच्या साहित्यरत्न अण्णा भाऊ साठे अध्यासन केंद्राचे प्रमुख डॉ. बळीराम गायकवाड, समरसता साहित्य परिषदेचे रविंद्र गोळे, दादासाहेब सोनवणे, डॉ. उज्वला हातागळे, डॉ. सुशील चिमोरे, डॉ. बालाजी समुखराव, अ‍ॅड. श्रीधर कसबेकर, संपत जाधव, प्रा. वैजनाथ सुरनर, सतिश नाईकवाडे आदींसह ३४ साहित्यकृतींचा समावेश होता.                 

कार्यक्रमाचे प्रास्ताविक अध्यासन प्रमुख डॉ. सुनिल भंडगे यांनी केले, सूत्रसंचालन मातंग साहित्य परिषदेचे संस्थापक अध्यक्ष डॉ. धनंजय भिसे यांनी केले तर आभार प्रदर्शन विद्यापीठाचे हिंदी विभाग प्रमुख डॉ. विजय रोडे यांनी केले.

साहित्यरत्न लोकशाहीर अण्णा भाऊ साठे राज्यस्तरीय वाड.मय  पुरस्कारासाठी विविध साहित्यिकांकडून  मागवण्यात आलेल्या  साहित्यकृतीची निवड ही प्राचार्य डॉ. अविनाश सांगोलेकर यांच्या अध्यक्षतेखाली साहित्यरत्न लोकशाहीर अण्णा भाऊ साठे राज्यस्तरीय वाड.मय पुरस्काराची निवड समिती गटीत करुन निवड समितीने सर्वांनुमते निवड केलेल्या साहित्यिक व साहित्यकृतीची यादी पुढीलप्रमाणे आहे.

अ. क्र.	साहित्यीकाचे नाव	साहित्यकृतीचे नाव	वाड.मय प्रकार	प्रकाशकाचे नाव	पत्ता
१	बाबुराव गायकवाड	चऱ्हाट	कथा संग्रह	मंजुल प्रकाशन, पुणे	धारवाड, कर्नाटक
२	बाबासाहेब सकटे	आक्रोश	कथा संग्रह	सिधी प्रकाशन,कोल्हापूर	गोवा
३	प्रा. ज्ञानेश्वर हंडरगुळीकर	आळ आणि काळ	कथा संग्रह	गुरुमाऊली प्रकाशन, उदगीर	उदगीर, लातूर
४	बाळासाहेब भडकवाड (संपा.)	अण्णा भाऊ साठे यांच्या कथेचे वारसदार	प्रातिनिधीक कथासंग्रह	अभिनंदन प्रकाशन,कोल्हापूर	मंचर, ता. आंबेगाव, पुणे
५	श्रीराम दुर्गे	जागल्या	कादंबरी	सायन पब्लिकेशन प्रा. लिमिटेड, पुणे	खेड, चिपळून, रत्नागिरी
६	जयवंत अवघडे	हौसा	कादंबरी	स्नेहवर्धन प्रकाशन,पुणे	पुणे
७	छाया बेले	फरफट	कादंबरी	यशोदीप प्रकाशन, पुणे	नांदेड
८	ब. बा. कोटंबे	कदाचित	कादंबरी	प्रतिमा पब्लिकेशन, पुणे	परभणी
९	बाळ लक्ष्मण भारस्कर	युगार्त	कादंबरी	स्वलिहा पब्लिकेशन, पुणे	पुणे
१०	किरण मोरे (चव्हाण)	सत्यशोध… एक काव्यपुष्प	काव्यसंग्रह	एस. पी. मोरे, गोंदिया	गोंदिया
११	दीपक लोंढे	मृत्यूच्या गर्द छायेत जगायला शिकवणारा काव्यदीप	काव्यसंग्रह	हृदय प्रकाशन, कोल्हापूर	मिरज, सांगली
१२	टी. एस. क्षीरसागर	गावरान बोरं	काव्यसंग्रह	ध्वजभारती प्रकाशन,उस्मानाबाद	सोलापूर
१३	सतीश नाईकवाडे	शालेय गाणे/बडबड गाणे	बाल कविता संग्रह	गुरु माऊली प्रकाशन, उदगीर	उदगीर, लातुर
१४	संतोष कांबळे	तुकोबाच्या कुळाचा वंश	गझल संग्रह	ऋषी प्रकाशन, पुणे	मालेगाव
१५	संपत जाधव	लोकशाहीर	नाटक	सानिध्य पब्लिकेशन पुणे	पुणे
१६	जालिंदर कांबळे	स्वातंत्र्य क्रांतीचे जनक लहुजी वस्ताद	चरित्र	मातंग चेतना परिषद पुणे	सांगवी, पुणे
१७	डॉ. शरद गायकवाड	प्रबोधन चळवळीतील मातंगाची शौर्यगाथा	चरित्र	नाग नालंदा प्रकाशन, सांगली	कोल्हापूर
१८	अॅड. श्रीधर कसबेकर	नरेंद्र मोदी अॅन आयकॉन ऑफ द न्यू येरा (इंग्रजी)	चरित्र		पुणे
१९	प्रदीपराव साने	दोरखंड	आत्मचरित्र/आत्मकथन	अक्षय प्रकाशन, रत्नागीरी	बावडा, कोल्हापूर
२०	मुक्ता खोतकर	मुक्तांगण	आत्मचरित्र/आत्मकथन	कैलास पब्लिकेशन औरंगाबाद	सिडको, औरंगाबाद
२१	दादासाहेब सोनावणे	शून्यातून शोषिताकडे	आत्मचरित्र/आत्मकथन	अण्णा भाऊ साठे स्मारक संस्था	पुणे
२२	डॉ. बळीराम गायकवाड	Anna Bahu Sathe Fakira	भाषांतर		मुंबई
२३	सुमंत गायकवाड (संपा.)	साहित्यसम्राट अण्णाभाऊ साठे जन्मशताब्दी विशेषांक २०१९-२०२०	विशेषांक	प्रबोधन प्रकाशन, नांदेड	माजलगाव
२४	डॉ सुशीलप्रकाश चिमोरे, डॉ. बालाजी सुमखराव	क्रांतिगुरु लहुजी साळवे	विशेषांक	अरुणा प्रकाशन, लातूर	उदगीर, लातुर
२५	डॉ.सतेज दणाणे	भटक्या जमातीच्या स्त्रियांची आत्मकथने	संशोधनात्मक लेखन	मंजूर प्रकाशन पुणे	नातेपुते
२६	डॉ. उज्ज्वला हातागळे	अण्णा भाऊ साठे लिखित स्त्री संघर्षगाथा	संशोधनात्मक लेखन	स्नेहवर्धन प्रकाशन पुणे	पुणे
२७	डॉ. अंबादास सगट	मातंग आणि सांस्कृतिक राष्ट्रसंघ भारत	संशोधनात्मक लेखन	भारतीय विचार साधना पुणे	कन्नड, औरंगाबाद
२८	डॉ. कमल दणाणे	बाबुराव गायकवाड यांचे कादंबरी लेखन	संशोधनात्मक लेखन	मंजुळ प्रकाशन पुणे	नातेपुते
२९	डॉ. गिरिजाप्रसाद (संजय) क्षिरसागर	वाघ्या मुरुळी यांच्या गीतांचा अभ्यास	संशोधनात्मक लेखन (लोक साहित्य)	सक्सेस पब्लिकेशन, पुणे	आळेफाटा, ता. जुन्नर, पुणे
३०	दिगंबर घंटेवाड	मातंग ऋषी	चरित्र		नांदेड
३१	रविंद्र गोळे (संपा.)	सामाजिक न्यायाचा योद्धा अण्णा भाऊ साठे	विशेषांक	साप्ताहिक विवेक, मुंबई	मुंबई
३२	कबीर दास	फकिराचा सत्त्वशोध	गौरव ग्रंथ		तापी, गुजरात
३३	डॉ. लक्ष्मण साठे	अण्णा भाऊ साठे यांच्या लेखनाचे पैलू	संशोधनात्मक ग्रंथ	शब्दशिवार प्रकाशन, मंगळवेढा, सोलापूर	कोल्हापूर
३४	प्रा. वैजनाथ सुरनर	होलार समाज परिवर्तनाची दिशा	प्रबोधनात्मक लेखन	अरुणा प्रकाशन, लातुर	लातुर