Tag: Diwali pollution

पिंपरी : फटाक्यांतील विषारी वायू कोरोना रूग्णांसाठी प्राणघातक आहे. त्यामुळे कोव्हीड - १९ (कोरोना) या विषाणूच्या महामारीचा प्रादुर्भाव संपेपर्यंत पिंपरी चिंचवड महापालिकेच्या हद्दीत फटाके स्टाॅल व फटाके विक्रीस बंदी घालण्यात यावी. अशी मागणी बाराबलुतेदार महासंघाचे युवाप्रदेशाध्यक्ष तथा राष्ट्रवादी काँग्रेस पार्टी ओबीसी सेलचे प्रदेशसचिव विशाल जाधव यांनी महापालिका आयुक्त श्रावण हर्डीकर यांच्याकडे केली आहे. याबाबत विशाल जाधव यांनी आयुक्तांना दिलेल्या निवेदनात म्हटले आहे की, महाराष्ट्राबरोबरच संपूर्ण जगावर कोव्हीड १९ (कोरोना) ह्या महामारीचे संकट उभे आहे. या रोगाच्या पीडितांना श्वास घेताना सर्वात जास्त त्रास होतो. हा रोग फुफ्फुसांशी संबंधित असून जे कोरोनामधून बरे होतात, त्यांना पूर्णपणे सामान्य होण्यासाठी खूप वेळ लागतो. आता सर्वत्र कोरोनातून बरे झालेल्या रुग्णांची संख्या जास्त आहे. ...