काळेवाडीतील ज्येष्ठ नागरिक धनसिंग राजपुत यांचे निधन

काळेवाडी : येथील रहिवासी धनसिंग राजपुत (रा. श्रद्धा कॉलनी, ज्योतिबा नगर, काळेवाडी) यांचे रविवारी (ता. ३१) अल्पशा आजाराने निधन झाले. ते ८२ वर्षांचे होते. त्यांचा स्वभाव मनमिळावू असल्याने परिसरातील रहिवासी व नातेवाईक हळहळ व्यक्त करत आहेत.

मिलिट्री डेअरी फार्ममध्ये ४० वर्षे सेवा केल्यानंतर ते निवृत्त झाले होते. त्यांच्या पश्चात मुलगा, मुलगी, सुना-नातवंडे असा परिवार असून चंद्रनसिंग राजपुत यांचे ते वडील होत.