बाळासाहेब मुळे : लोकमराठी न्यूज नेटवर्क
चिंचवड, ता ७ : पिंपरी-चिंचवड शहर हे सांस्कृतिक शहर म्हणून ओळखले जाते. या शहरांमध्ये प्रथमच नऊवारी साड्या घालून भव्य फॅशन शोचे आयोजन येथे करण्यात आले आहे. येथील प्रा. रामकृष्ण मोरे प्रेक्षागृह येथे या कार्यक्रमाचे उद्घाटन विविध राजकीय मान्यवर व सिने कलाकार यांच्या उपस्थितीत शनिवारी (ता. ९ जुलै) सकाळी अकरा वाजता होणार असून हा कार्यक्रम सायंकाळी चार वाजेपर्यंत सुरू राहील. तरी शहरातील सर्व रसिक प्रेक्षकांनी या भव्यदिव्य कार्यक्रमाचा लाभ घ्यावा, असे कार्यक्रमाचे आयोजक चैताली भोईर यांनी आवाहन केले आहे.
यामध्ये महाराष्ट्रीय संस्कृतीला साजेसा असा नऊवारी साज व त्यासोबत पुरूष आयकॉन (ट्रॅडिशनल कपडे) या स्पर्धेत लहान मुलं-मुली देखील सहभागी होणार आहेत. या कार्यक्रमाचे आयोजन महाराष्ट्रातील नऊवारी साड्यांसाठी प्रसिद्ध असलेले नऊवारी नार वस्त्र दालन यांच्यातर्फे चैताली नकुल भोईर यांनी केले आहे. या सर्व स्पर्धा चार गटांमध्ये होत असून मिस, मिसेस, मिस्टर, किड्स या गटात स्पर्धेमध्ये 100 हून स्पर्धेक पिंपरी-चिंचवड शहरातून सहभागी झालेले आहे.
या स्पर्धेमध्ये विजेत्या होणारया स्पर्धकांना सोन्याची नथ व सोन्याचे ब्रेसलेट पैठणी साड्या, क्राऊन, ट्रॉफी विविध आकर्षक बक्षिसे तसेच प्रेक्षक म्हणून सहभागी होणाऱ्या सर्व महिलांना एक ग्रॅम सोन्याची नथ व विविध गिफ्ट हॅम्पर बक्षिसे ठेवण्यात आलेली आहेत. तसेच या स्पर्धेचे मुख्य आकर्षण महाराष्ट्रातील आंतरराष्ट्रीय लावणी सम्राट किरण कोरे यांच्या लावण्यांचा बहारदार कार्यक्रमाची मेजवानी आहे.
सदर कार्यक्रमाला सहसंयोजक शंभो सिल्क, अँड साडी, कृष्णाई पल्स शॉपी, क्लिओपात्रा ब्युटी इन्स्टिट्यूट, डिवाइन क्रिएशन, साई श्रद्धा लेडीज शॉपी यांचा सहभाग आहे.
- रिपब्लिकन पक्षाच्या महाराष्ट्रातील कामगीरीकडे देशाचे लक्ष – केंद्रीय राज्यमंत्री रामदास आठवले
- मावळातील वेहेरगावात मूक पदयात्रेद्वारे छत्रपतींचे स्मरण.
- चऱ्होली येथे श्री शिवप्रतिष्ठान हिंदुस्थानच्या वतीने उद्या धर्मवीर मूक पदयात्रा
- आक्रोश तरुणांचा, एल्गार युवक काँग्रेसचा | उद्या मुंबई येथे युवक काँग्रेसतर्फे विधानसभेला घेराव
- मोटार सायकल चोर जेरबंद, साडेतीन लाखांच्या दहा मोटार सायकल जप्त; पुणे ग्रामीण स्थानिक गुन्हे शाखेची आठवडयाभरातील दुसरी धडाकेबाज कारवाई