पुणे

शहिद भगतसिंग, सुखदेव आणि राजगुरु यांना युवक कॉंग्रेसचे अभिवादन पुणे : ब्रिटीशांच्या जुलमी सत्तेविरुध्द लढत असताना स्वतःच्या प्राणाची आहुती देणा-या शहीद भगतसिंग, सुखदेव आणि राजगुरू यांचे बलिदान आजच्या पिढीला प्रेरणादायी आहे. आज भारत देश स्वातंत्र्याचा अमृत महोत्सव साजरा करीत असताना स्वातंत्र्य लढ्याचा इतिहास त्यातील बलस्थाने आणि प्रेरणास्थाने नव्या पिढीने पुन्हा अभ्यासण्याची गरज आहे. असे प्रतिपादन पिंपरी चिंचवड शहर जिल्हा युवक कॉंग्रेसचे उपाध्यक्ष चंद्रशेखर जाधव यांनी केले. बुधवार (दि. २३ मार्च) ९१ व्या शहिद दिना निमित्त पिंपरी चिंचवड शहर युवक काँग्रेसच्या वतीने राजगुरुनगर खेड येथे हुतात्मा शिवराम हरी राजगुरू यांच्या जन्मगावी शहिद भगतसिंग, सुखदेव आणि राजगुरु यांच्या स्मारकास पुष्पहार अर्पण करुन अभिवादन करण्यात आले. यावेळी पिंपरी चिंचवड शहर जिल्हा युवक काँग्रेस उपाध्यक्ष चंद्रशेखर जाधव...

हडपसर (प्रतिनिधी) : एस.एम.जोशी कॉलेजमधील प्राणीशास्त्र विभाग, भूगोल विभाग आणि आय. क्यू. ए. सी. विभाग यांच्या संयुक्त विद्यमाने आंतरराष्ट्रीय ई-सेमिनारचे आयोजन करण्यात आले होते. यावेळी महाविद्यालयाचे प्राचार्य डॉ. चंद्रकांत खिलारे यांनी महाविद्यालयाच्या विविध उपक्रमांची माहिती दिली. तसेच आंतरराष्ट्रीय ई-सेमिनारचा उद्देश सांगून प्रमुख पाहुण्यांचे स्वागत व ओळख करून दिली. आंतरराष्ट्रीय ई-सेमिनारचे उद्घाटन जम्मू आणि काश्मीर युनिव्हर्सिटीतील डॉ कुलदीप शर्मा यांनी केले. त्यांनी "जैवविविधतेवर मानवी हस्तक्षेपाचा आणि नैसर्गिक आपत्तींचा प्रभाव" याविषयी माहिती दिली. सत्राचे अध्यक्ष एस. आर. टी. एम. युनिव्हर्सिटी नांदेड यथील प्रा.डॉ. आर. एम. मुलानी होते. आंतरराष्ट्रीय ई-सेमिनारच्या सकाळ सत्राचे वक्ते डॉ. सुरेंद्र ठाकूर देसाई यांनी मानववंशीय आपत्ती आणि नैसर्गिक आपत्तींशी जैववि...

हडपसर (प्रतिनिधी) : एस. एम. जोशी कॉलेजमधील स्पर्धा परीक्षा केंद्रातील आनंद आवारे, रमेश शेलार, सीमा किंकर, छाया कानपिळे यांची पोलीस उपनिरीक्षकपदी (PSI) निवड झाल्याबद्दल महाविद्यालयाचे प्राचार्य डॉ.चंद्रकांत खिलारे यांनी त्यांचे अभिनंदन करीत त्यांना पुढील वाटचालीसाठी शुभेच्छा दिल्या. तसेच उपप्राचार्य डॉ. संजय जगताप, उपप्राचार्य प्रा.संजय जडे, स्पर्धा परीक्षा मार्गदर्शन केंद्राचे समन्वयक प्रा.डॉ.राजेंद्र ठाकरे, प्रा.डॉ.शकुंतला सावंत तसेच सर्व प्राध्यापक व प्रशासकीय सेवकांनी त्यांचे अभिनंदन केले....

पुणे, दि. 13- पुणे शहर, पिंपरी-चिंचवडसह जिल्ह्यातील विविध भागात पायाभूत सुविधा निर्माण करुन नागरिकांना उत्तम सोयी-सुविधा उपलब्ध करुन देण्यासाठी अर्थसंकल्पात भरीव तरतूद करण्यात आली असून पुण्याचा सर्वांगीण विकास करण्यासाठी राज्य शासन कटिबद्ध आहे. विकासासाठी निधीची कमतरता भासू दिली जाणार नाही, अशी ग्वाही उपमुख्यमंत्री तथा पालकमंत्री अजित पवार यांनी दिली. पुणे शहरातील विविध विकासकामांच्या उद्घाटन आणि भूमिपूजनप्रसंगी ते बोलत होते. यावेळी राज्य महिला आयोगाच्या अध्यक्षा रुपाली चाकणकर, आमदार चेतन तुपे आदी उपस्थित होते. उपमुख्यमंत्री पवार म्हणाले, सर्वसामान्य नागरिक केंदबिंदू मानून अर्थसंकल्पाच्या माध्यमातून उत्तम सोयी-सुविधा उपलब्ध करुन देण्यासाठी अर्थसंकल्पाच्या माध्यमातून कृषी, सार्वजनिक आरोग्य, मुनष्यबळ विकास, दळणवळण आणि उद्योग या पंचसूत्री कार्यक्रमाची अंमलबजावणी करुन मानवी जीवनमान...

पुणे दि.१३- कृषि विभागातर्फे ‘विकेल ते पिकेल’ अभियानांतर्गत शिवाजीनगर येथील जिल्हा अधीक्षक कृषी कार्यालयाच्या आवारात आयोजित करण्यात आलेल्या तांदूळ महोत्सवाला विधानपरिषदेच्या उपसभापती नीलम गोऱ्हे यांनी भेट दिली. महोत्सवातील स्टॉलधारक शेतकऱ्यांशी त्यांनी संवाद साधत ग्राहक होऊन तांदूळ तसेच विविध शेती उत्पादनांची खरेदी केली. कृषी विभागाच्या आवारात भरलेल्या महोत्सवाला भेट देत शेतकऱ्यांकडून शेती उत्पादनाची खरेदी करताना शेतकऱ्यांच्या अडचणी, उत्पादनाला मिळणारी बाजारपेठ आदी विषयांसह पुणे महानगरात शेतकरी ते ग्राहक थेट कायमस्वरूपी बाजारपेठ उभारण्याबाबतही त्यांनी शेतकऱ्यांशी चर्चा केली. श्रीमती गोऱ्हे म्हणाल्या, शेतकऱ्यांच्या सर्वांगीण विकासासाठी राज्य शासन सातत्याने प्रयत्नशील आहे. शेतकऱ्यांना दिशा देण्याचे काम राज्याच्या कृषी विभागाच्या माध्यमातून होत आहे. पुणे जिल्ह्यातील कृषि व आत्मा विभाग ...

पुणे : नगरसेविका स्वाती अशोक लोखंडे यांनी पुणे महानगरपालिकेत आद्यक्रांतिगुरु लहुजी साळवे यांचे तैलचित्र लावण्यात यावे, असा ठराव जाने २०१९ मध्ये महापालिकेच्या सर्वसाधारण सभेत दिला होता. मात्र, कोरोना महामारीमुळे महापालिकेची सर्वसाधारण सभा लांबली गेली. शेवटी हा ठराव ऑगस्ट २०२१ मध्ये मंजूर झाला. त्यानूसार सोमवारी महापौर मुरलीधर मोहोळ यांच्याकडे लहुजी वस्ताद साळवे यांचे तैलचित्र सोपवण्यात आले. क्रांतिगुरु लहुजी साळवे स्मारक समिती ट्रस्टचे संस्थापक अध्यक्ष अशोक लोखंडे, ट्रस्टचे सचिव विकास सातारकर, मातंग समाजाचे नेते शंकर तडाखे, पुणे शहर जिल्हा मातंग समाजाचे सचिव संजय केंदळे, सामाजिक कार्यकर्ते भास्कर नेटके, दिपक वायाळ, अनिकेत लोखंडे, प्रदिप वैराट, रवि अडागळे, संतोष माने, उमेश शिंदे, हर्षद शिंदे, राहुल चव्हाण आणि मामा केंदळे आदी उपस्थित होते. अशी माहिती भास्कर नेटके यांनी दिली....

पुणे : कोरोनामुळे बराच काळ घरात अडकलेली लहान मुले आता हळुहळू वेगवेगळ्या निमित्तांनी बाहर पडू लागली आहेत. आज तर पुण्यातील पेशवे उद्यानात मुलांना खेळण्या बागडण्याबरोबर कवितेसह गोष्टीचा आस्वाद घेण्याची संधी मिळाली आणि त्या सप्तरंगी कल्पना विश्वास मुले भान हरपून रमून गेली. निमित्त होते पुणे महानगरपालिका उद्यान विभाग आणि संवाद पुणे यांच्या संयुक्त विद्यमाने पेशवे पार्क येथे सुरू करण्यात आलेल्या मोफत अक्षर मित्र वाचनालयाच्या उद्घटनाचे. पुण्याचे महापाैर मुरलीधर मोहोळ यांच्या हस्ते या वाचनालयाचे उद्घाटन झाले, तर कार्यक्रमाचे अध्यक्षस्थान अ.भा.बालकुमार साहित्य संस्थेच्या अध्यक्षा डाॅ.संगीता बर्वे यांनी भूषविले. यावेळी प्रमुख पाहुणे म्हणून ज्येष्ठ समाजसेविका रेणूताई गावस्कर, बाल साहित्यक राजीव तांबे, नगरसेवक धीरज घाटे, पुणे मनपा उद्यान विभागाचे अधिक्षक अशोक घोरपडे, संवाद पुणेचे प्रमुख सुनील मह...