औंध : रयत शिक्षण संस्थेचे डॉ. बाबासाहेब आंबेडकर महाविद्यालयाचे प्राचार्य डॉ. शिवलिंग मेनकुदळे यांच्या मार्गदर्शनाने महाविद्यालयातील राष्ट्रीय सेवा योजना आणि विद्यार्थी विकास मंडळातील सर्व प्राध्यापक आणि विद्यार्थी कोरोना या साथीच्या रोगाचा सामना करीत आहेत. प्राचार्य डॉ. शिवलिंग मेनकुदळे यांच्या मार्गदर्शनानुसार राष्ट्रीय सेवा योजनेच्या विद्यार्थ्यांनी लॉक डाऊनचे पालन करीत, गरीब आणि गरजू कामगार वर्गाला तोंडाला बांधण्याचा मास आणि जीवनावश्यक अन्नधान्याच्या कीटचे वाटप केले. तसेच कोवीड १९ या साथीच्या रोगासंदर्भात समाजात जनजागृतीचे कामही केले.
कोरोना या साथीच्या रोगाची लक्षणे कोणती?, कोरोना या रोगाची साखळी तोडण्यासाठी सोशल डिस्टन्स राखणे, वैयक्तीक स्वच्छता राखण्यासाठी वारंवार साबनाने किंवा सॅनिटायझरने हात स्वच्छ धुने. वस्तू व सामानाची स्वच्छता राखण्यासाठी सॅनिटायझरचा वापर करणे. तसेच इतरत्र बाहेर न फिरता, घरात राहून सुरक्षित राहण्याचे महत्त्व सांगून सामाजिक जनजागृती करण्याचे काम सर्व विद्यार्थ्यांनी केले.
महाविद्यालयाचे प्राचार्य डॉ.शिवलिंग मेनकुदळे यांनी झूम अपच्या माध्यमातून ऑनलाईन पध्दतीने विद्यार्थ्यांचे मानसिक मनोधैर्य वाढवण्याचे आणि त्यांना सामाजिक भान देण्याचे काम केले. तसेच राष्ट्रीय सेवा योजनेचे प्रमुख प्रा. सुशीलकुमार गुजर, विद्यार्थी विकास विभागाचे प्रमुख डॉ. अतुल चौरे, उपप्राचार्य डॉ. संजय नगरकर, प्रा. पाटील बी.एस., डॉ. शशी कराळे, प्रा.नलिनी पाचर्णे, डॉ. सुहास निंबाळकर यांनीही विद्यार्थ्यांना ऑनलाईन पध्दतीने मार्गदर्शन केले.