हडपसर (प्रतिनिधी) : रयत शिक्षण संस्थेचे, एस. एम. जोशी कॉलेजचे प्राचार्य डॉ. एन. एस. गायकवाड यांनी कवी डॉ. संतोष पवार व डॉ. उमेश शिरसट यांना महाराष्ट्र साहित्य परिषदेचा विशेष ग्रंथ पुरस्कार मिळाल्याबद्दल सत्कार केला. कवी डॉ. संतोष पवार यांच्या ‘नव्वदोत्तरी मराठी कविता संकल्पना स्वरूप आणि वाटचाल’ या प्रबंधाला उत्कृष्ट प्रबंध लेखनासाठी महाराष्ट्र साहित्य परिषदेचा शरच्चंद्र भालेराव पुरस्कार देवून सन्मानित करण्यात आले.
तसेच डॉ. उमेश शिरसट यांना २०१९ या वर्षातील महाराष्ट्र साहित्य पत्रिकेमधील जी. ए. कुलकर्णी यांच्या कथेवरील लेखाला ताईसाहेब कदम पुरस्कार देवून सन्मानीत करण्यात आले. त्यांनी मिळविलेल्या यशाबद्दल महाविद्यालयाचे प्राचार्य डॉ. एन. एस. गायकवाड यांनी त्यांचे अभिनंदन करीत भावी वाटचालीसाठी शुभेच्छा दिल्या. याप्रसंगी उपप्राचार्य प्रा. संजय जडे, डॉ. किशोर काकडे, डॉ. राजेंद्र ठाकरे उपस्थित होते.