साहित्य

निगडी (लोकमराठी न्यूज) : साहित्य सम्राट पुणे संस्थेकडून माय मराठीच्या सेवेसाठी आणि संवर्धनासाठी नाविन्यपूर्ण उपक्रम सातत्याने राबविले जातात. यावेळी संस्थेने सदाबहार सहपरिवार साहित्यिक श्रावण सहल या उपक्रमाचे आयोजन शहीद सुखदेव राजगुरू जन्मस्थान, शंभू महादेव डोंगर, चासकमान धरण आणि सॊमेश्वर मंदिर या ठिकाणी केले होते. दिवसभर साहित्यिकांनी निसर्गाच्या सानिध्यात मनसोक्त आनंद घेतला. सर्वांनी यावेळी महान देशभक्त शहिद चंद्रशेखर आझाद यांच्या ११७ व्या जयंती निमित्ताने साहित्य सम्राटचे १७१वे कविसंमेलन जेष्ठ कवयित्री ऍड.संध्याताई गोळे यांच्या अध्यक्षतेखाली घेण्यात आले. मंचावर जेष्ठ गझलकार म. भा.चव्हाण. माजी जिल्हाधिकारी अशोक जाधव, राष्ट्रपती पुरस्कार विजेते सीताराम नरके, निवेदक जगदीप वनशिव आणि संस्थापक अध्यक्ष विनोद अष्टुळ उपस्थित होते. मान्यवरांच्या हस्ते पुस्तक बंद या चित्रपटातील सिताराम नरके लिखि...