स्वारगेट पोलीस वसाहतीचे कचरा डेपोत रूपांतर : पोलीस कर्मचारी व कुटुंबियांचे आरोग्य धोक्यात
पुणे शहर कचरा पेटी (कंटेनर) मुक्त तर पोलीस वसाहतीत कचरा व पेट्यांचा खच
पुणे, ता. १४ सप्टेंबर २०२२ : पुणे महापालिकेकडून पुणे शहर कचरा पेटी मुक्त करण्याच्या प्रयत्नात स्वारगेट पोलीस वसाहतीचे कचरा डेपोमध्ये रूपांतर केल्याचे दिसून येत आहे. पुणे महापालिकेचे कर्मचारी या ठिकाणी कचऱ्याचा साठा करताना दिसत आहेत. स्वारगेट परिसरातील हॉटेल, भाजी मंडई येथील सडलेला कचरा या ठिकाणी आणून ठेवला जात असून मोठ्या प्रमाणात साठा केला जात आहे. हा कचरा गोळा करण्यासाठी तसेच त्याची व्हिलेवाट लावण्यासाठी पुणे महापालिका कर्मचारी पैसे देखील घेत असल्याचे दिसून येत आहेत. हे पैसे घेऊन हा कचरा पोलीस वसाहतीत टाकला जात आहे.
दोन ते चार दिवस या पेट्या (कंटेनर) उचल्या जात देखील नाहीत त्यामुळे कॉलनीतील पोलीस कुटुंबियांचे आरोग्य धोक्यात आले आहे तसेच डेंगू, मलेरिया व साथीच्या रोगांनी कर्मचारी व कुटुंबीय त्रस्त झाले असून ...
