अवैध गौणखनिज प्रकरणी बांधकाम व्यावसायिकाला २ कोटी ८९ लाखांचा दंड
रवींद्र जगधने : लोकमराठी न्यूज नेटवर्क
पिंपरी : पिंपरी चिंचवड शहरात अनेक मोठी बांधकामे चालू असून त्याठिकाणी राजरोसपणे विनापरवाना गौणखनिज उत्खनन करण्यात येत आहे. त्यामाध्यमातून राज्यसरकारचा कोट्यवधींचा महसूल काही बांधकाम व्यावसायिक बुडवत आहेत. असेच अवैध उत्खनन झाल्याचे आढळून आल्याने मुळशीचे तहसीलदार अभय चव्हाण यांनी ताथवडे येथील क्रिसला इन्फोकॉन या बांधकाम व्यावसायिकाला २ कोटी ८९ लाख तीन हजार ३८८ दंड भरणेबाबत नोटीस बजावली आहे.
कोरोना काळामध्ये अनेक व्यवसाय कमी अधिक प्रमाणात बंद असल्याने राज्य शासनाच्या आर्थिक घडी विस्कटलेली आहे. अशा परिस्थितीत काही बांधकाम व्यावसायिक काही प्रशासकीय अधिकाऱ्यांशी संगनमत करून शासनाचा करोडो रुपयांचा महसूल बुडवत आहेत. याबाबत अपना वतन संघटनेच्या वतीने महसूलमंत्र्यांना लेखी तक्रार देण्यात आली आहे.
सर्व्हे न १४९/१ ताथवडे याठिकाणी Krisala Enterprises ...
